"Аталанта" бош мураббийи Жан-Пьеро Гасперини "Рома"ни бошқариши мумкин, деб хабар беради Corriere dello Sport.
Рим клуби 67 ёшли италияликни келаси мавсумдан жамоага мураббийлик қилмайдиган Клаудио Раньерига идеал ўринбосар сифатида белгилаб қўйган.
"Рома" аллақачон Рим клуби хўжайинининг илтимосига кўра Гасперини билан боғланган. У билан "Рома" спорт директори Флоран Гисольфи ва мавсум якунланганидан сўнг клубда маъмурий лавозимга эга бўладиган Клаудио Раньери учрашди. Мураббийга уч йиллик шартнома таклиф қилинди.
Бироқ, келишув ҳали тузилмаган. Гасперини ўзига тақдим этилган дастурни юқори баҳолади, аммо хотиржам қарор қабул қилиш учун ўйлаб кўриш ҳуқуқини ўзида сақлаб қолди.
