"Chelsi" va Argentina terma jamoasi yarim himoyachisi Enso Fernandesni hamon Ispaniyaga ko‘chib o‘tishi mumkinligi bilan bog‘lashmoqda.

24 yoshli futbolchi "Real"ning transfer maqsadlari ro‘yxatida bor, ammo xavbekda faoliyatini La Ligada davom ettirishning boshqa varianti paydo bo‘lishi mumkin. Jurnalist Eduardo Burgosning yozishicha, mart oyidagi tanaffus vaqtida "Atletiko" sharafini himoya qilayotgan "albiseleste" futbolchilari Fernandesni o‘z klubi safiga qo‘shilishga astoydil ko‘ndirishga harakat qilishgan. Ensoning o‘zi "Chelsi"ni tark etishni rejalashtirmayapti, ammo transfer ehtimoli ham yo‘q emas.

Transfermarkt portali Enso Fernandesning narxini 75 mln yevroga baholamoqda. Uning "ko‘klar" bilan shartnomasi 2032 yilgacha mo‘ljallangan.