"Челси" ва Аргентина терма жамоаси ярим ҳимоячиси Энцо Фернандесни ҳамон Испанияга кўчиб ўтиши мумкинлиги билан боғлашмоқда.

24 ёшли футболчи "Реал"нинг трансфер мақсадлари рўйхатида бор, аммо хавбекда фаолиятини Ла Лигада давом эттиришнинг бошқа варианти пайдо бўлиши мумкин. Журналист Эдуардо Бургоснинг ёзишича, март ойидаги танаффус вақтида "Атлетико" шарафини ҳимоя қилаётган "альбиселесте" футболчилари Фернандесни ўз клуби сафига қўшилишга астойдил кўндиришга ҳаракат қилишган. Энцонинг ўзи "Челси"ни тарк этишни режалаштирмаяпти, аммо трансфер эҳтимоли ҳам йўқ эмас.

Transfermarkt портали Энцо Фернандеснинг нархини 75 млн еврога баҳоламоқда. Унинг "кўклар" билан шартномаси 2032 йилгача мўлжалланган.