Roderik Miranda Lissabonning "Benfika" klubidagi sobiq jamoadoshi Ruben Amorim murabbiy bo‘lib qolganidan hayratda.
Amorim ushbu mavsum boshida "Sporting"dagi ajoyib boshqaruvidan so‘ng "Manchester Yunayted"ni qabul qilib oldi.
Mirandaning so‘zlariga ko‘ra, hozir Amorim o‘yinchi davridagidan ancha jiddiyroq odam.
"Men uning murabbiy bo‘lishini hech qachon o‘ylamagandim! Futbol mahorati yoki aql-zakovati uchun emas, balki kiyinish xonasida masxaraboz bo‘lgani uchun.
U haqiqiy hazilkash edi va har doim odamlarni kuldirish uchun nimadir qilar edi.
Uning murabbiylik faoliyatini boshlaganini eshitganimda, men bilan o‘ynagan yigit qanday qilib bunchalik jiddiy bo‘lib qolishi mumkinligidan biroz hayron bo‘ldim!
Ammo u juda aqlli futbolchi edi. U ko‘p pozisiyalarda o‘ynay olardi. U o‘yinni juda yaxshi tushunadi va shuning uchun bo‘lsa kerak, u ajoyib murabbiyga aylandi", - dedi Miranda.
