Родерик Миранда Лиссабоннинг "Бенфика" клубидаги собиқ жамоадоши Рубен Аморим мураббий бўлиб қолганидан ҳайратда.
Аморим ушбу мавсум бошида "Спортинг"даги ажойиб бошқарувидан сўнг "Манчестер Юнайтед"ни қабул қилиб олди.
Миранданинг сўзларига кўра, ҳозир Аморим ўйинчи давридагидан анча жиддийроқ одам.
"Мен унинг мураббий бўлишини ҳеч қачон ўйламагандим! Футбол маҳорати ёки ақл-заковати учун эмас, балки кийиниш хонасида масхарабоз бўлгани учун.
У ҳақиқий ҳазилкаш эди ва ҳар доим одамларни кулдириш учун нимадир қилар эди.
Унинг мураббийлик фаолиятини бошлаганини эшитганимда, мен билан ўйнаган йигит қандай қилиб бунчалик жиддий бўлиб қолиши мумкинлигидан бироз ҳайрон бўлдим!
Аммо у жуда ақлли футболчи эди. У кўп позицияларда ўйнай оларди. У ўйинни жуда яхши тушунади ва шунинг учун бўлса керак, у ажойиб мураббийга айланди", - деди Миранда.
