"Barselona" hujumchisi Robert Levandovski faoliyati va yoshi haqida gapirdi.
"Odamlar mening yoshim haqida gapirishadi, lekin men har doimgidek astoydil ishlayotganimni bilaman. Yana bir necha yil yuqori saviyada o‘ynamoqchiman. O‘zimni jismonan juda yaxshi his qilyapman. Statistik ma’lumotlarimga ko‘ra, bir necha yil oldingi holat bilan hozir o‘rtasida hech qanday farq yo‘q", - dedi Levandovski.
Joriy mavsumda 36 yoshli polshalik hujumchi 42 ta o‘yinda maydonga tushib, 38 ta gol urdi va 3 ta golli uzatmani amalga oshirdi.
Robert Levandovskining shartnomasi 2026 yilning yozida yakuniga yetadi.
Eslatib o‘tamiz, bugun Levandovski "Jirona"ga qarshi o‘yinda dubl qayd etdi.
