Qishki transfer oynasida "Milan"dan ijara asosida kelgan o‘ng qanot himoyachisi La Repubblica gazetasiga yangi jamoasini juda yoqtirishini aytdi.

"Menga bu yer juda yoqadi va qolishni istardim. Ko‘p o‘zgaruvchilar bor, hali hammasi hal qilingani yo‘q, balki prezident bir kuni ertalab uyg‘onib, meni boshqa ko‘rishni istamaydi.

Lekin men o‘zim bu yerga kelishni tanladim, chunki "Bolonya" men bilan juda faol qiziqdi va qisqa vaqt ichida meni ishontirdi. Meni atmosfera hayratda qoldirdi, u Pioli bilan jamoa chempion bo‘lganida "Milan"da bo‘lgan muhitga o‘xshaydi. Jamoa atrofida xuddi shunday energiya bor va bu osonlik bilan yaratib bo‘lmaydigan narsa emas. Menga bu holat kerak edi.

Bizda "Empoli" bilan Italiya kubogi yarim finalining 180 daqiqasi va Chempionlar ligasiga yo‘l olish uchun 8 ta o‘yin bor. Hozir hech kim "Bolonya"ga qarshi o‘ynashdan xursand emas, xuddi bir muddat oldin bo‘lgani kabi. Maqsadim – Italiya kubogini yutib, Chempionlar ligasiga chiqish", - dedi Kalabriya.

“Bolonya” Italiya chempionati turnir jadvalida 56 ochko bilan 4-o‘rinda bormoqda.