"Manchester Yunayted" bosh murabbiyi Ruben Amorim jurnalistlarning joriy mavsum yakunlanganidan keyin shartnomasi tugaydigan futbolchilar haqidagi savoliga javob berdi.
Yarim himoyachi Kristian Eriksen, himoyachilar Viktor Lindelyof va Jonni Evans hamda zaxiradagi darvozabon Tom Xiton “qizil iblislar” safini yozda tekinga tark etishi mumkin.
"Ko‘ramiz. Kelgusi mavsum haqida o‘ylayapmiz, qilinadigan ishlar ko‘p. Klubdagi vaziyat Yevropa ligasi natijalariga qarab o‘zgarishi mumkin, shuning uchun biz bor e’tiborimizni nafaqat kelajakka, balki bugungi kunga ham qaratganmiz", - dedi Amorim matbuot anjumanida.
