"Манчестер Юнайтед" бош мураббийи Рубен Аморим журналистларнинг жорий мавсум якунланганидан кейин шартномаси тугайдиган футболчилар ҳақидаги саволига жавоб берди.
Ярим ҳимоячи Кристиан Эриксен, ҳимоячилар Виктор Линделёф ва Жонни Эванс ҳамда захирадаги дарвозабон Том Хитон “қизил иблислар” сафини ёзда текинга тарк этиши мумкин.
"Кўрамиз. Келгуси мавсум ҳақида ўйлаяпмиз, қилинадиган ишлар кўп. Клубдаги вазият Европа лигаси натижаларига қараб ўзгариши мумкин, шунинг учун биз бор эътиборимизни нафақат келажакка, балки бугунги кунга ҳам қаратганмиз", - деди Аморим матбуот анжуманида.
