Xabaringiz bor, 5 aprel kuni Qozog‘istonning Astana shahrida Top Rank promouterlik kompaniyasi tomonidan prof boks oqshomi tashkil etiladi.
Biz uchun ahamiyatlisi, turnir doirasida ikki bokschimiz - superog‘ir vazn toifasidagi charm qo‘lqop ustamiz Bahodir Jalolov (O‘zbekiston, 14-0, 14 KO) hamda yarimengil vazndagi Otabek Xolmatov (12-1, 11 KO) ham o‘zlarining navbatdagi reytingi janglarini o‘tkazishadi. Jalolov ukrainalik Igor Shevadzuskiy (12-2, 10 KO)ga, Xolmatov esa filippinlik Jeyson Kano Manigos (30-12-2, 20 KO)ga qarshi ringga ko‘tariladi.
Tashkilotchilar ushbu turnirning to‘liq kardini rasman tasdiqlashdi. "Baris Arena"da o‘tadigan oqshomning asosiy jangi o‘rta vazn toifasida WBO va IBF yo‘nalishlari chempioni, qozog‘istonlik Janibek Alimxanuli (16-0, 11 KO) hamda fransiyalik Anauel Ngamissenge (14-0, 9 KO) o‘rtasida bo‘lib o‘tadi. Har ikki bokschi ham hali prof faoliyatlarida mag‘lubiyat va durang qayd etishmagan.
Astanadagi turnirning to‘liq kardi:
Asosiy jang, o‘rta vaznda WBO va IBF kamari uchun 12 raundlik jang
Janibek Alimxanuli (Qozog‘iston, 16-0, 11 KO) — Anauel Ngamissenge (Fransiya, 14-0, 9 KO)
So-main event jangi, birinchi yengil vaznda IBF Intercontinental kamari uchun 10 raundlik jang
Sultan Zaurbek (Qozog‘iston, 19-0, 13 KO) — Azinga Fuzile (JAR, 18-2, 12 KO)
Superog‘ir vaznda 10 raundlik jang: Bahodir Jalolov (O‘zbekiston, 14-0, 14 KO) — Igor Shevadzuskiy (Ukraina, 12-2, 10 KO)
Birinchi yarimo‘rta vaznda 10 raundlik jang: Batir Jukembayev (Qozog‘iston, 23-1, 17 KO) — Keyn Gardner (Buyuk Britaniya, 17-4, 7 KO)
Ikkinchi eng yengil vaznda 6 raundlik jang: Mahmud Sabirxan (Qozog‘iston, debyut) — Nikolas Tordesilya (Kolumbiya, 2-0, 2 KO)
Ayollar o‘ta yengil vaznda 8 raundlik (2 daqiqadan) jang: Balausa Muzdiman (Qozog‘iston, 6-0, 5 KO) — Mariya Tereza Pinili (Filippin, 7-1, 2 KO)
Yarimengil vaznda 8 raundlik jang: Otabek Xolmatov (O‘zbekiston, 12-1, 11 KO) — Jeyson Kano Manigos (Filippin, 30-12-2, 20 KO)
Yarimo‘rta vaznda 6 raundik jang: Torexan Sabirxan (Qozog‘iston, debyut) — Yirji Xauke (Chexiya, 4-6, 2 KO)
Yarimo‘rta vaznda 4 raundlik jang: Akniyet Alimbay (Qozog‘iston, 2-0, 1 KO) — Yozef Dubski (Chexiya, 1-0, 1 KO)
Birinchi o‘rta vaznda 4 raundlik jang: Alisher Abdualim (Qozog‘iston, 3-0, 2 KO) — Ashish Chaudxari (Hindiston, 3-0, 0 KO)
