"Udineze" markaziy himoyachisi Umar Sole Italiya va Angliya klublari e’tiboriga tushgan bo‘lsa-da, aynan "Napoli" fransuz uchun raqobatda raqiblaridan o‘zib ketishni maqsad qilgan ko‘rinadi.

Sole yanvar oyida "Udineze"ga tekinga o‘tdi, chunki uning "Red Bull Zalsburg" bilan shartnomasi 2024 yilgi yozgi transfer oynasi yopilgandan so‘ng bekor qilingan edi. O‘shandan beri u barqaror o‘yin ko‘rsatib kelmoqda, bu esa top-klublarning qiziqishiga sabab bo‘ldi.

Sky Italia jurnalisti Luka Marketti xabariga ko‘ra, "Napoli" Solening transferi ustida faol ishlamoqda va "Udineze" bilan imkon qadar tezroq kelishuvga erishishga harakat qilmoqda.

"Udineze" 24 yoshli himoyachini taxminan 20 million yevroga baholashi kutilmoqda. Solega "Napoli"dan tashqari "Vest Xem" va "Manchester Yunayted" klublari ham qiziqish bildirmoqda.

Eslatib o‘tamiz, himoyachi joriy mavsum "Udineze" safida barcha musobaqalarda 11 ta o‘yinda 1 ta gol va 1 ta golli uzatmaga mualliflik qilgan.