Mauro Ikardi Turkiya kubogi bahsidan keyin Joze Mourinyo va "Fenerbaxche"ni masxara qildi.

"Fenerbaxche" chorak finalda o‘z maydonida "Galatasaroy"ga imkoniyatni boy berib (1:2) musobaqadan chiqib ketdi.

Final hushtagi yangraganidan keyin Mourinyo "Galatasaroy" ustozi Okan Burukning burnidan ushlaganida, turkiyalik murabbiy yuzini changallab maydonga yiqildi.

"Ular nafaqat qo‘l to‘pi, balki boks bilan ham shug‘ullanishadi" - deb yozdi "Galatasaroy" hujumchisi o‘yindan keyin ijtimoiy tarmoqda.

Argentinalik futbolchi Burukni "yagona va takrorlanmas" deb ham atagan. Bu Mourinyo o‘ziga qo‘ygan "benazir" taxallusiga ishora ekanligiga ishoniladi.