Мауро Икарди Туркия кубоги баҳсидан кейин Жозе Моуриньо ва "Фенербахче"ни масхара қилди.
"Фенербахче" чорак финалда ўз майдонида "Галатасарой"га имкониятни бой бериб (1:2) мусобақадан чиқиб кетди.
Финал ҳуштаги янграганидан кейин Моуриньо "Галатасарой" устози Окан Бурукнинг бурнидан ушлаганида, туркиялик мураббий юзини чангаллаб майдонга йиқилди.
"Улар нафақат қўл тўпи, балки бокс билан ҳам шуғулланишади" - деб ёзди "Галатасарой" ҳужумчиси ўйиндан кейин ижтимоий тармоқда.
Аргентиналик футболчи Бурукни "ягона ва такрорланмас" деб ҳам атаган. Бу Моуриньо ўзига қўйган "беназир" тахаллусига ишора эканлигига ишонилади.
