Ispaniya terma jamoasi va Bilbaoning "Atletik" klubi darvozaboni Unai Simon faoliyatini La Liganing top-klublaridan birida davom ettirishi mumkin.
Manbaning xabar berishicha, 27 yoshli darvozabon xizmatlariga Madridning “Atletiko” klubi qiziqish bildirmoqda. “Matraschilar” Simonni yaqinda 32 yoshga to‘lgan sloveniyalik Yan Oblak o‘rniga nomzod sifatida ko‘rmoqda.
Unai Bilbao jamoasida 2018 yilning yozidan buyon o‘ynamoqda. Tomonlar o‘rtasidagi amaldagi shartnoma 2029 yilning iyun oyi oxirida yakuniga yetadi. Transfermarkt portali ekspertlari uning qiymatini 28 million yevroga baholamoqda.













