Испания терма жамоаси ва Бильбаонинг "Атлетик" клуби дарвозабони Унаи Симон фаолиятини Ла Лиганинг топ-клубларидан бирида давом эттириши мумкин.
Манбанинг хабар беришича, 27 ёшли дарвозабон хизматларига Мадриднинг “Атлетико” клуби қизиқиш билдирмоқда. “Матрасчилар” Симонни яқинда 32 ёшга тўлган словениялик Ян Облак ўрнига номзод сифатида кўрмоқда.
Унаи Бильбао жамоасида 2018 йилнинг ёзидан буён ўйнамоқда. Томонлар ўртасидаги амалдаги шартнома 2029 йилнинг июн ойи охирида якунига етади. Transfermarkt портали экспертлари унинг қийматини 28 миллион еврога баҳоламоқда.
