"Chelsi"ning hujumkor yarim himoyachisi Koul Palmer uzoq vaqtdan beri birinchi marta golda bevosita qatnashdi.

22 yoshli futbolchi kechagi “Tottenxem”ga qarshi o‘yinning 50-daqiqasida Enso Fernandesga golli pas berdi.

Bu angliyalik futbolchining o‘tgan yilning 1 dekabridan beri to‘rt oydan ko‘proq vaqt ichida birinchi golli uzatmasi bo‘ldi.

Mashhur murabbiy Tim Shervud Enso hamda Palmer haqida gapirdi. 

"Enso Fernandes o‘z o‘rnini o‘zgartirdi. U orqaga qaytib, raqibga gol tahdidini yuzaga keltirdi. U o‘z salohiyatini ro‘yobga chiqarmoqda. Kelajakda jamoa uning atrofida quriladi.

Biz Palmer va Fernandesni "shporlar"ga qarshi o‘yinda g‘alabaning muhim kaliti sifatida ko‘rdik. "Chelsi" loyihasining olg‘a siljishida ular muhim rol o‘ynaydi", – dedi Shervud.