"PSJ" kelasi mavsum uchun o‘z tarkibini rejalashtirishni boshladi va "Barselona" yarim himoyachisi Gavi asosiy maqsadlar qatoriga kiradi. Futbolchi bilan Ispaniya terma jamoasida birga bo‘lgan vaqtlaridan beri yaxshi munosabatda bo‘lgan Luis Enrike Parij klubi rahbariyatidan uni qo‘lga kiritish uchun harakat qilishlarini so‘ragan.
"Barselona" bitiruvchisining ahvoli so‘nggi oylarda keskin o‘zgardi. Flik kelganidan so‘ng uning roli sezilarli darajada pasayib ketdi va u hatto muhim o‘yinlarda zaxira o‘rindig‘iga o‘tirdi.
Bunday vaziyatlarni inobatga olgan holda, "PSJ" yarim himoyachini qo‘lga kiritishga harakat qilishi mumkin. Luis Enrike Gavi o‘z sxemasiga to‘liq mos kelishiga ishonmoqda. Biroq, bu kelishuv oson bo‘lmaydi. Kataloniya klubi hamon futbolchini kelajak uchun asosiy futbolchi deb biladi. Hammasi futbolchining o‘z xohishiga bog‘liq bo‘ladi.
Joriy mavsum 20 yoshli Gavi “Barsa” safida barcha musobaqalarda 28 ta o‘yinda maydonga tushib, 2 ta gol va 3 ta golli uzatmaga mualliflik qilgan.
