"ПСЖ" келаси мавсум учун ўз таркибини режалаштиришни бошлади ва "Барселона" ярим ҳимоячиси Гави асосий мақсадлар қаторига киради. Футболчи билан Испания терма жамоасида бирга бўлган вақтларидан бери яхши муносабатда бўлган Луис Энрике Париж клуби раҳбариятидан уни қўлга киритиш учун ҳаракат қилишларини сўраган.

"Барселона" битирувчисининг аҳволи сўнгги ойларда кескин ўзгарди. Флик келганидан сўнг унинг роли сезиларли даражада пасайиб кетди ва у ҳатто муҳим ўйинларда захира ўриндиғига ўтирди.

Бундай вазиятларни инобатга олган ҳолда, "ПСЖ" ярим ҳимоячини қўлга киритишга ҳаракат қилиши мумкин. Луис Энрике Гави ўз схемасига тўлиқ мос келишига ишонмоқда. Бироқ, бу келишув осон бўлмайди. Каталония клуби ҳамон футболчини келажак учун асосий футболчи деб билади. Ҳаммаси футболчининг ўз хоҳишига боғлиқ бўлади.

Жорий мавсум 20 ёшли Гави “Барса” сафида барча мусобақаларда 28 та ўйинда майдонга тушиб, 2 та гол ва 3 та голли узатмага муаллифлик қилган.