Madridning "Real" klubi bosh murabbiyi Karlo Anchelotti Chempionlar ligasi chorak finalidan o‘rin olgan Londonning "Arsenal" klubiga qarshi o‘yin uchun tarkib tanlash haqida bosh qotirmoqda.

Uchrashuv seshanba kuni "kanonirlar" maydonida bo‘lib o‘tadi. Jurnalist Migel Anxel Diasning yozishicha, "qaymoqranglilar" yetakchisi ikki pozisiyaga shubha bilan qaramoqda: italiyalik hozircha darvozabonlar Tibo Kurtua va Andrey Lunin o‘rtasida tanlov qilgani yo‘q, Luka Modrich va Lukas Vaskes taqdiri ham mavhumligicha qolmoqda - ulardan faqat bittasi asosiy tarkibda bo‘ladi va tanlov Federiko Valverdening qaysi pozisiyada o‘ynashiga bog‘liq bo‘ladi (himoyada o‘ngda yoki yarim himoya markazida).

"Real"ning "Arsenal"ga qarshi javob o‘yini 16 aprel kuni Madridda bo‘lib o‘tadi.