Turinning "Yuventus" klubi va Italiya terma jamoasining sobiq futbolchisi Janluka Zambrotta yozda bo‘lib o‘tadigan klublar o‘rtasidagi jahon chempionatini ijobiy baholadi.
"Men o‘zim ham shunday turnirda o‘ynashni juda xohlardim. Bu 32 ta eng yaxshi jamoa ishtirok etadigan haqiqiy jahon chempionati. O‘ylaymanki, yaxshi mukofot pullari unda ishtirok etish istagini oshiradi. 100-120 million yolg‘on emas va klub taqdirini yaxshi tomonga o‘zgartirishi mumkin", - deya Zambrotta so‘zlarini keltiradi pianetamilan.it.
Eslatib o‘tamiz, Zambrotta futbolchilik faoliyatini 2013 yilda Shveysariyada yakunlagandi.
