Туриннинг "Ювентус" клуби ва Италия терма жамоасининг собиқ футболчиси Жанлука Замбротта ёзда бўлиб ўтадиган клублар ўртасидаги жаҳон чемпионатини ижобий баҳолади.
"Мен ўзим ҳам шундай турнирда ўйнашни жуда хоҳлардим. Бу 32 та энг яхши жамоа иштирок этадиган ҳақиқий жаҳон чемпионати. Ўйлайманки, яхши мукофот пуллари унда иштирок этиш истагини оширади. 100-120 миллион ёлғон эмас ва клуб тақдирини яхши томонга ўзгартириши мумкин", - дея Замбротта сўзларини келтиради pianetamilan.it.
Эслатиб ўтамиз, Замбротта футболчилик фаолиятини 2013 йилда Швейцарияда якунлаганди.
