Sportning chim ustida xokkey turi bo‘yicha O‘zbekiston kubogi o‘z nihoyasiga yetdi.
Xorazm viloyati Urganch shahridagi "Yoshlik" sport majmuasida sportning chim ustida xokkey turi bo‘yicha U-14 yoshgacha bo‘lgan o‘g‘il bolalar va qizlar o‘rtasida bo‘lib o‘tgan O‘zbekiston kubogi musobaqasi o‘z yakuniga yetdi.
Murosasiz va qizg‘in bellashuvlar ostida kechgan musobaqada respublikamizning barcha hududlaridan jami 150 nafarga yaqin sportchilar g‘oliblik uchun kurash olib bordilar.
Musobaqa g‘oliblarini taqdirlash marosimida Sport vaziri o‘rinbosari, O‘zbekiston chim ustida xokkey federasiyasi raisi Avazjon Karimov ham ishtirok etdi.
Musobaqaning yakuniy natijalariga ko‘ra:
1-o‘rinni Xorazm viloyati jamoasi;
2-o‘rinni Andijon viloyati jamoasi;
3-o‘rinni Namangan viloyati jamoasi egalladi.
