"Brentford" bosh murabbiyi Tomas Frank "Chelsi"ga qarshi o‘yin haqida fikr bildirdi.
"O‘ylaymanki, biz yaxshi, juda yaxshi o‘ynadik. O‘yin yaxshi bo‘ldi, birinchi bo‘lim juda zo‘r o‘tdi. Birinchi bo‘limda biz yaqqol ustunlikka erishdik deb o‘ylayman. O‘sha paytda biz o‘z imkoniyatlarimizni ishga solishimiz kerak edi. Ikkinchi bo‘limda ham ozmi-ko‘pmi vaziyatlar bor edi. Biz butun o‘yin davomida juda yaxshi himoyalandik", dedi Frank.
Eslatib o‘tamiz, “Brentford” va “Chelsi” o‘yinida hisob ochilmadi. “Asalar” 42 ochko bilan 12-o‘rinda bormoqda.
