Londonning "Arsenal" klubi vingeri Bukayo Saka jamoasi Chempionlar ligasi chorak finalining dastlabki o‘yinida Madridning "Real" klubiga qarshi asosiy tarkibda maydonga tushishga qat’iy qaror qilganini ma’lum qildi. Futbolchi "Galaktikos" bilan to‘qnashuvdan nima kutayotganini aytib o‘tdi.
"O‘yinchilarimiz jang qilishga tayyor. Biz keyingi qadamni qo‘yib, yanada oldinga bormoqchimiz," - deya uning so‘zlarini keltiradi UEFA matbuot xizmati.
Sakaning qo‘shimcha qilishicha, "Arsenal" futbolchilari "Real"ni hurmat qiladi, ammo Karlo Anchelotti jamoasiga qarshi jang o‘tkazish niyatida.
