Лондоннинг "Арсенал" клуби вингери Букайо Сака жамоаси Чемпионлар лигаси чорак финалининг дастлабки ўйинида Мадриднинг "Реал" клубига қарши асосий таркибда майдонга тушишга қатъий қарор қилганини маълум қилди. Футболчи "Галактикос" билан тўқнашувдан нима кутаётганини айтиб ўтди.
"Ўйинчиларимиз жанг қилишга тайёр. Биз кейинги қадамни қўйиб, янада олдинга бормоқчимиз," - дея унинг сўзларини келтиради УЕФА матбуот хизмати.
Саканинг қўшимча қилишича, "Арсенал" футболчилари "Реал"ни ҳурмат қилади, аммо Карло Анчелотти жамоасига қарши жанг ўтказиш ниятида.
