Milanning "Inter" klubi darvozaboni Yann Zommer "Bavariya" safida jarohat olgan Manuel Noyer o‘rniga maydonga tushadigan Yonas Urbigning o‘yinidan olgan taassurotlari bilan o‘rtoqlashdi.
21 yoshli futbolchi myunxenliklar safiga yanvar oyida "Kyoln"dan kelib qo‘shilgandi. Bugun yosh kiper Chempionlar ligasi chorak finalida "Inter"ga qarshi maydonga tushadi.
"Urbig - ajoyib darvozabon. Uning ishtirokidagi o‘yinlarni ko‘p ko‘rmadim, lekin oyoq bilan o‘ynash qobiliyatiga qoyil qoldim. U mening maslahatlarimga muhtoj emas. Men Yonasga eng yaxshi tilaklarni tilayman va u bilan maydonda uchrashishni intiqlik bilan kutmoqdaman," - dedi "Inter"ga o‘tishidan oldin "Bavariya" sharafini himoya qilgan Zommer matbuot anjumanida.
