Madridning "Real" klubi markaziy himoyachisi Antonio Ryudiger klub bilan yaxshilangan shartlarda yangi shartnoma imzolashi mumkin.

Xabaringiz bor, 32 yoshli futbolchiga Saudiya Arabistoni chempionati vakillari da’vogarlik qilmoqda. Jurnalist Ekrem Konurning yozishicha, "Real" Ryudigerni qolishga ko‘ndirish uchun maoshi oshadigan yangi shartnoma taklif qilishga tayyor. Nemisning "qaymoqranglilar" bilan amaldagi kelishuvi 2026 yilning yarmigacha mo‘ljallangan.

Antonio Ryudiger 2022 yilning yozidan beri "Real" sharafini himoya qilmoqda. Joriy mavsumda futbolchi Karlo Anchelotti jamoasi safida barcha musobaqalarda 44 ta o‘yinda maydonga tushib, 3 ta gol va 1 ta golli uzatmani o‘z hisobiga yozdirib qo‘ydi.