Fransiyaning Parij shahrida shaxmat bo‘yicha Freestyle Chess Grand Slam Tour 2025 turnirining pley-off bosqichiga bugun start berildi. Nodirbek Abdusattorov chorak finalda norvegiyalik Magnus Karlsenga qarshi bahs yuritishi haqida xabar berib o‘tgandik.

Hamyurtimiz birinchi o‘yinda qora donalar bilan harakat qildi. Shaxmatchilar o‘yin davomida 70 ta yurishni amalga oshirishdi. Magnus asta-sekinlik bilan o‘z ustunligini oshirib bordi hamda o‘yin so‘nggida 3 ta ortiqcha piyodaga ega bo‘ldi. Aynan 70-yurishga kelib Abdusattorov mag‘lubiyatni tan oldi.

Sportchilar ertaga ikkinchi o‘yinni o‘tkazishadi. Nodirbek bu safar oq donalarda o‘ynaydi.

Chorak final, birinchi o‘yin natijalari:

Magnus Karlsen — Nodirbek Abdusattorov - 1:0
Yan Nepomnyashchiy — Vinsent Keymer - 0,5:0,5
Fabiano Karuana — Maksim Vashe-Lagrav  - 0,5:0,5
Arjun Erigaisi — Hikaru Nakamura - 0,5:0,5.