Hujumchi Muhammad Saloh va markaziy himoyachi Virjil van Deyk tez orada "Liverpul" bilan yangi shartnoma imzolaydi.
Tomonlar allaqachon kelishuvga erishgan - tez orada klub buni rasman e’lon qilishi mumkin. Insayder Fabrisio Romanoning yozishicha, Saloh va van Deyk bilan muzokaralarda hal qiluvchi rolni Arne Slot o‘ynagan. Ikkala futbolchi ham murabbiy bilan yaxshi munosabatda, shu sababli jamoada qolishga qaror qilishgan.
Misrlik va niderlandiyalik "Liverpul" bilan 2027 yilning yarmigacha mo‘ljallangan shartnomalar tuzishi kutilmoqda.
Eslatib o‘tamiz, Arne Slot jamoa boshqaruvida debyut mavsumini o‘tkazmoqda. O‘tgan yozda u Yurgen Kloppning o‘rnini egallagandi.













