"Barselona" kelasi yozda tarkibni kuchaytirishga umid qilmoqda. Kataloniyaliklar moliyaviy qiyinchiliklarni boshdan kechirmoqdalar, shuning uchun ular erkin agentlarga faol e’tibor qaratishmoqda. Matbuot uzoq vaqtdan beri "ko‘k-anorranglilar"ni bepul qo‘lga kiritilishi mumkin bo‘lgan Jonatan Ta bilan bog‘lab keladi. Himoyachining "Bayer" bilan amaldagi shartnomasi iyun oyi oxirigacha mo‘ljallangan.

Ispaniyaning Sport nashri xabariga ko‘ra, "Barselona" Taga yozda uni erkin agent sifatida o‘z safiga qo‘shib olishni rejalashtirayotganini ma’lum qilgan. Xullas, 29 yoshli futbolchi Ispaniyaga ko‘chib o‘tishga tayyorgarlik ko‘rishi mumkin.

2024/2025-yilgi mavsumda Jonatan Ta 43 ta o‘yinda maydonga tushib, 3 ta gol urgan va 1 ta golli uzatmani amalga oshirgan.