"Sanderlend" sharafini himoya qilayotgan 19 yoshli markaziy yarim himoyachi Job Bellingem faoliyatini Angliya Premyer-ligasining top-klubida davom ettirishi mumkin. Bu haqda Todofichajes portali sahifalarida ma’lum qilindi.
Manbaning ma’lum qilishicha, kelajagi porloq futbolchini Londonning "Chelsi" klubi o‘z safiga qo‘shib olmoqchi. Transfermarkt portali futbolchining bozor narxini 22 million yevroga baholamoqda. Jobning "Sanderlend" bilan amaldagi shartnomasi muddati 2028 yilning iyun oyi oxirida tugaydi.
Bellingem Angliya chempionatining joriy mavsumida 36 ta o‘yin o‘tkazib, 4 ta gol urdi va 3 ta golli uzatmani amalga oshirdi.
