"Сандерленд" шарафини ҳимоя қилаётган 19 ёшли марказий ярим ҳимоячи Жоб Беллингем фаолиятини Англия Премьер-лигасининг топ-клубида давом эттириши мумкин. Бу ҳақда Todofichajes портали саҳифаларида маълум қилинди.
Манбанинг маълум қилишича, келажаги порлоқ футболчини Лондоннинг "Челси" клуби ўз сафига қўшиб олмоқчи. Transfermarkt портали футболчининг бозор нархини 22 миллион еврога баҳоламоқда. Жобнинг "Сандерленд" билан амалдаги шартномаси муддати 2028 йилнинг июнь ойи охирида тугайди.
Беллингем Англия чемпионатининг жорий мавсумида 36 та ўйин ўтказиб, 4 та гол урди ва 3 та голли узатмани амалга оширди.
