Madridning "Real" klubiga tegishli bo‘lgan qanot himoyachisi Fran Garsiya Italiya A Seriyasiga ko‘chib o‘tishi mumkin.

Manbaga ko‘ra, chap qanot himoyachisini Turinning "Yuventus" klubi o‘z safiga qo‘shib olmoqchi. "Keksa sinyora" rahbariyati Garsiyani sotib olish uchun 20-25 million yevro ajratishga tayyor. Agar tomonlar kelishib olsa, u holda bitim yozgi transfer oynasida rasmiylashtirilishi mumkin.

25 yoshli himoyachining "qirollik klubi" bilan mehnat shartnomasi 2027 yilning yozigacha mo‘ljallangan. Transfermarkt portali uning narxini 15 million yevroga baholamoqda.