"Bayer" yarim himoyachisi Florian Virsning kelajagi haqida ma’lumot paydo bo‘ldi.
Kicker nashriga ma’lum bo‘lishicha, "Bayer" 21 yoshli futbolchi bilan shartnomani uzaytirish bo‘yicha dekabr oyida kelishib olgan, biroq shu kungacha nemis yangi shartnoma imzolamagan. Manbaga ko‘ra, Virs tomoni kelajakka nisbatan pozisiyasini keskin o‘zgartirgan.
Avvalroq, futbolchiga "Real," "Manchester Siti" va boshqa grand klublar da’vogarlik qilayotgani xabar qilingandi.
Virsning "Bayer" bilan amaldagi mehnat shartnomasi 2027 yilgacha mo‘ljallangan. Transfermarkt portali ma’lumotiga ko‘ra, yarim himoyachining narxi 140 million yevroni tashkil etadi.













