"Байер" ярим ҳимоячиси Флориан Вирцнинг келажаги ҳақида маълумот пайдо бўлди.
Kicker нашрига маълум бўлишича, "Байер" 21 ёшли футболчи билан шартномани узайтириш бўйича декабрь ойида келишиб олган, бироқ шу кунгача немис янги шартнома имзоламаган. Манбага кўра, Вирц томони келажакка нисбатан позициясини кескин ўзгартирган.
Аввалроқ, футболчига "Реал," "Манчестер Сити" ва бошқа гранд клублар даъвогарлик қилаётгани хабар қилинганди.
Вирцнинг "Байер" билан амалдаги меҳнат шартномаси 2027 йилгача мўлжалланган. Transfermarkt портали маълумотига кўра, ярим ҳимоячининг нархи 140 миллион еврони ташкил этади.
