"Manchester Yunayted" Yevropa Ligasi chorak finalining dastlabki bahsida "Lion" mehmoni bo‘ldi - 2:2.

Uchrashuvning 26-daqiqasida mezbonlar forvardi Tiago Almada hisobni ochdi. Mehmonlar birinchi bo‘lim oxirida hisobni tenglashtirdi - 45+5-daqiqada himoyachi Leni Yoro gol urdi. Uchrashuvning asosiy vaqti tugashiga 2 daqiqa qolganida mankunianliklar forvardi Joshua Zirkzee havbek Bruno Fernandeshning uzatmasidan so‘ng mehmonlarni hisobda oldinga olib chiqdi. O‘yinga qo‘shib berilgan daqiqalarda "Lion" yarim himoyachisi Rayan Sherki darvozabon Andre Onanning xatosidan so‘ng "MYU" darvozasiga to‘pni joylab qo‘ydi.

Manchesterdagi javob o‘yini 17 aprel kuni bo‘lib o‘tadi.