"Benfika" hujumchisi Anxel Di Mariya Italiya A Seriyasida o‘ynab, noqonuniy platformalarda sport garovlarini o‘ynagan bo‘lishi mumkinligi haqidagi avvalroq OAV xabarlariga izoh berdi. Argentinalik futbolchi 2022 yildan 2023 yilgacha "Yuventus"da o‘ynagan.

"Men hech qachon noqonuniy pul tikmaganimni aytmoqchiman", dedi Di Mariya.

Avvalroq Milan prokuraturasi Italiya chempionatining 12 nafar futbolchisini 2021-2023 yillar oralig‘ida noqonuniy saytlarga garov qo‘ygani va onlayn poker o‘ynagani uchun tergov o‘tkazayotgani haqida xabar bergan edi. Gumonlanuvchilar ro‘yxati futbolchilarning smartfonlari tekshirilgandan so‘ng shakllantirildi.