"Бенфика" ҳужумчиси Анхель Ди Мария Италия А Сериясида ўйнаб, ноқонуний платформаларда спорт гаровларини ўйнаган бўлиши мумкинлиги ҳақидаги аввалроқ ОАВ хабарларига изоҳ берди. Аргентиналик футболчи 2022 йилдан 2023 йилгача "Ювентус"да ўйнаган.

"Мен ҳеч қачон ноқонуний пул тикмаганимни айтмоқчиман", деди Ди Мария.

Аввалроқ Милан прокуратураси Италия чемпионатининг 12 нафар футболчисини 2021-2023 йиллар оралиғида ноқонуний сайтларга гаров қўйгани ва онлайн покер ўйнагани учун тергов ўтказаётгани ҳақида хабар берган эди. Гумонланувчилар рўйхати футболчиларнинг смартфонлари текширилгандан сўнг шакллантирилди.