"Fiorentina"ning 34 yoshli darvozaboni David de Xea kelasi mavsum ham klubda qoladi. Bu haqda jamoa prezidenti Rokko Komisso ma’lum qildi.
Italiya jamoasi rahbariyati ispaniyalik futbolchi bilan mehnat shartnomasini uzaytirish imkoniyatini faollashtirmoqda.
"U keyingi mavsumda ham biz bilan qoladi," - deya Komissoning so‘zlarini keltiradi jurnalist Fabrisio Romano.
De Xea 2024 yilning avgustidan beri "Fiorentina" sharafini himoya qilmoqda. Joriy mavsumda u barcha turnirlarda 32 ta o‘yinda maydonga tushib, 35 ta gol o‘tkazib yubordi va o‘n marta o‘z darvozasini daxlsiz qoldirishga muvaffaq bo‘ldi.
