"Фиорентина"нинг 34 ёшли дарвозабони Давид де Хеа келаси мавсум ҳам клубда қолади. Бу ҳақда жамоа президенти Рокко Комиссо маълум қилди.
Италия жамоаси раҳбарияти испаниялик футболчи билан меҳнат шартномасини узайтириш имкониятини фаоллаштирмоқда.
"У кейинги мавсумда ҳам биз билан қолади," - дея Комиссонинг сўзларини келтиради журналист Фабрицио Романо.
Де Хеа 2024 йилнинг августидан бери "Фиорентина" шарафини ҳимоя қилмоқда. Жорий мавсумда у барча турнирларда 32 та ўйинда майдонга тушиб, 35 та гол ўтказиб юборди ва ўн марта ўз дарвозасини дахлсиз қолдиришга муваффақ бўлди.
