"Manchester Yunayted" "Vulverxempton"ning 25 yoshli hujumchisi Mateus Kunyani sotib olish uchun hozirgi tarkibdan kamida bir nafar futbolchini sotishi kerak bo‘ladi. Bu haqda Daily Mail xabar bermoqda.
Manbaga ko‘ra, braziliyalik futbolchining shartnomasida uni 62,5 million funt sterling (71,8 million yevro) evaziga muddatidan oldin bekor qilish bandi bor. Ta’kidlanishicha, "Manchester Yunayted" Kunyani qo‘lga kiritish uchun vingerlar Markus Reshford, Jeydon Sancho va Antonini sotish variantini ko‘rib chiqmoqda.
Joriy mavsumda Kunya barcha musobaqalarda 29 ta o‘yinda maydonga tushib, 15 ta gol va to‘rtta golli uzatmani amalga oshirdi. Futbolchining klub bilan amaldagi mehnat shartnomasi 2029 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 55 mln yevroni tashkil etadi.
