Samarqanddagi 5-tur doirasidagi markaziy uchrashuvdan “Dinamo” va “So‘g‘diyona” jamoalari bir ochkodan olishdi.

Uchrashuvning dastlabki daqiqalarida "Dinamo" ustunlikni qo‘lga oldi. 16-daqiqada Anvarjon qanotdan kirib borib to‘pni Mirahmadovga yetkazdi, biroq uning zarbasini mehmonlar darvozaboni qaytardi. Marko Stanoyevich bir necha bor olis masofadan xavfli zarbalar yo‘lladi, birida burchakdan darvozani nishonga oldi.

Nihoyat, 25-daqiqada “Dinamo” o‘z ustunligini golga aylantirdi. Jurani Ferreyra chiroyli zarba bilan hisobni ochdi. Bu goldan so‘ng stadiondagi muhit yanada jo‘shdi.

Shu bilan birga, 28-daqiqada hakam VAR orqali penalti holatini ko‘rib chiqdi. VAR to‘p Jahongir O‘rozovning qo‘liga tekkan yoki yo‘qligini tekshirdi, ammo penalti belgilanmadi.

Shunga qaramay, “So‘g‘diyona” birinchi bo‘limning o‘zida javob qaytardi. 39-daqiqada Javohir Qahramonov hisobni tenglashtirdi va “Dinamo” joriy mavsumda ilk marta o‘z darvozasidan to‘p olib chiqdi.

Ikkinchi bo‘limda har ikki jamoa g‘alaba uchun harakat qildi. 58-daqiqada Ravshan Yagudin ajoyib seyv amalga oshirdi. “Dinamo” sardori Stanoyevich hamda zaxiradan tushgan futbolchilar — Fraydey, Maykon, Qodirqulov va Xalilov jaoma o‘yinini kuchaytirdi. Ammo gollar qayd etilmadi.

64-daqiqada mehmonlar gol urdi, ammo ofsayd sababli inobatga olinmadi. Uchrashuv so‘ngida ham harorat yuqori bo‘ldi, ammo hisob o‘zgarmadi.

"Dinamo" jamoasi 5-turdan so‘ng 9 ochko bilan musobaqa jadvalida 4-o‘rinda boryapti. "So‘g‘diyona" esa 4 ochko bilan 11-o‘rinda qoldi.

Superliga, 5-tur
"Dinamo" – "So‘g‘diyona" 1:1
12 aprel, 2025 yil  
“Dinamo” stadioni, Samarqand  
Gollar: 25’ — Jurani Ferreyra (1:0), 39’ — Javohir Qahramonov (1:1)