"Vulverxempton" va "Tottenxem" jamoalari to‘qnash kelgan Angliya chempionatining 32-tur uchrashuvi yakunlandi. O‘yin Vulverxemptondagi "Molineux" stadionida bo‘lib o‘tdi. Uchrashuvni manchesterlik Entoni Teylor boshqardi. Unda maydon egalari 4:2 hisobida zafar quchdi.

Ikkinchi daqiqada “bo‘rilar” himoyachisi Rayan Ait-Nuri hisobni ochdi. 38-daqiqada “Tottenxem” himoyachisi Jed Spens to‘pni o‘z darvozasiga yo‘lladi. 59-daqiqada “Bavariya”dan ijaraga olingan forvard Matis Tel hisobini qisqartirdi. 64-daqiqada hujumchi Larsen “Vulverxempton”ning uchinchi golini urdi. 85-daqiqada braziliyalik Risharlison hisobni 2:3 ko‘rinishiga keltirdi. 86-daqiqada uning hamyurti Mateus Kunya mezbonlarning to‘rtinchi goliga mualliflik qildi.

"Tottenxem" 32-turdan keyin 37 ochko bilan APL turnir jadvalida 15-o‘rinda bormoqda. “Vulverxempton” hisobida 35 ochko bor. Jamoa 16-o‘rinni egallab turibdi.