"Вулверхэмптон" ва "Тоттенхэм" жамоалари тўқнаш келган Англия чемпионатининг 32-тур учрашуви якунланди. Ўйин Вулверхэмптондаги "Молинеух" стадионида бўлиб ўтди. Учрашувни манчестерлик Энтони Тейлор бошқарди. Унда майдон эгалари 4:2 ҳисобида зафар қучди.

Иккинчи дақиқада “бўрилар” ҳимоячиси Раян Аит-Нури ҳисобни очди. 38-дақиқада “Тоттенхэм” ҳимоячиси Жед Спенс тўпни ўз дарвозасига йўллади. 59-дақиқада “Бавария”дан ижарага олинган форвард Матис Тель ҳисобини қисқартирди. 64-дақиқада ҳужумчи Ларсен “Вулверхэмптон”нинг учинчи голини урди. 85-дақиқада бразилиялик Ришарлисон ҳисобни 2:3 кўринишига келтирди. 86-дақиқада унинг ҳамюрти Матеус Кунья мезбонларнинг тўртинчи голига муаллифлик қилди.

"Тоттенхэм" 32-турдан кейин 37 очко билан АПЛ турнир жадвалида 15-ўринда бормоқда. “Вулверхэмптон” ҳисобида 35 очко бор. Жамоа 16-ўринни эгаллаб турибди.