"Surxon" klubi ustozi Fevzi Davletov matbuot anjumanida qatnashib OAV vakillarining savollariga javob berdi.

O‘yin haqida

— Birinchi bo‘limda biz ko‘p xatolarga yo‘l qo‘ydik, "Nasaf" esa xatolarni kechirmaydi. "Nasaf" hujumga o‘tishda juda mohirona o‘ynaydi va ko‘plab golli vaziyatlar yaratdi. Yaxshiyamki, Potapov bizga yordam berdi va himoyachilar ham juda yaxshi yordam berishdi. Menimcha, himoya chizig‘imiz bugun yaxshi o‘ynadi va kerakli paytlarda darvozabonimizni qo‘llab-quvvatladi.

Ikkinchi bo‘limda biz o‘zgarishlarni qildik, shunda jamoa hujumga o‘tishga harakat qildi. Menimcha, raqib maydondan chetlatilgandan keyin bizda sezilarli ustunlik bo‘lmadi. 2-3 imkoniyat bo‘ldi, lekin bizni gol urishdagi samaradorlik yo‘qligi pand berdi. Hujumda tajovuzkorlik yetishmadi. Juda ko‘p mayda va o‘rta uzatmalar bo‘ldi. Ammo biz to‘pni jarima maydonchasiga yetkazib, u yerga yugurib kira olmadik. Shuningdek, qo‘shimcha qilmoqchimanki, "Nasaf" himoyada mahorat bilan o‘ynadi va bu yerda raqibning kuchi bilindi.

— Bugungi uchrashuvda jamoada qanday maqsad edi?
— Biz har bir o‘yinda faqat g‘alaba uchun maydonga tushamiz. Har bir sportchi g‘alaba uchun o‘ynash kerak. Jamoada motivasiya bor edi. Menimcha, Qarshiga kelgan har bir jamoa g‘alaba uchun o‘ynaydi.

— Mavsumning birinchi o‘yinlarda Artyom Potapov maydonda yo‘q edi va "Surxon" mag‘lub bo‘lgan edi. O‘tgan turda u qaytdi va "Surxon" g‘alaba qozondi. Hozir ham Potapov yaxshi harakat qildi. Nima uchun mavsum boshidayoq darvozabon o‘ynamadi?
— Artyom jarohat tufayli mavsumoldi yig‘inni to‘liq o‘tkazmadi. O‘tgan o‘yinlarda biz xatolar tufayli gollarni o‘tkazib yuborgandik. Savollingizga qaytsak, qo‘shilaman siz bilan, Potapov bugun sifatli o‘yinni ko‘rsatdi.

— Ikkinchi bo‘limda Oybek Bozorovning maydondan chetlatilishi paytida, "Surxon" o‘yinchisi uni provokasiya qilgandek tuyuldi. Bu haqda nima deya olasiz?
— Hech qanday holatda bu fikringizga qo‘shila olmayman. Biz hech qachon raqibni ataylab provokasiya qilmaymiz va futbolchilarimizni bunday harakatlarga o‘rgatmaymiz. Bu holatda futbolchilarning his-tuyg‘ulari haddan oshib ketdi, xolos.

— Bugungi hakamlikni qanday baholaysiz?
— Menimcha, hakamlarning ishini mutaxassislar o‘zlari baholashadi. Men faqat o‘z jamoam uchun javobgarman.