"Lasio" va "Roma" muxlislari A Seriya derbisi oldidan tartibsizlik keltirib chiqardi.

Kecha A Seriya 32-turidan o‘rin olgan jamoalar o‘rtasidagi uchrashuv 1:1 hisobida yakunlandi.

Rai News 24 xabariga ko‘ra, o‘yindan oldingi tartibsizliklar "Roma"ning 500 ga yaqin muxlislari "Lasio" muxlislari yig‘iladigan joyga yo‘l olishi bilan boshlangan.

Ma’lum qilinishicha, Rimdagi Olimpiya stadioni yaqinidagi Kardinal Konsalvi maydonida muxlislar polisiya xodimlariga tosh, shisha va petardalar uloqtirgan. Shuningdek, "Lasio"ning bir necha yuzlab muxlislari Mulviyev ko‘prigida polisiyaga hujum qilgani ma’lum.

To‘qnashuvlar chog‘ida chiqindi qutilari, shuningdek, yaqin atrofdagi muassasalarning stol va stullari ag‘darilgan, shuningdek, bir nechta avtomobillarga zarar yetgan. Bundan tashqari, stadion yaqinidan dubinkalar va temir trubalar topilgan.

Tartibsizliklarni bostirish uchun polisiya suv purkagichlar va ko‘zdan yosh oqizuvchi gaz ishlatishga majbur bo‘ldi. Hodisalar oqibatida 13 nafar huquq-tartibot idoralari xodimi jabrlangani aytilmoqda.