Qanot yarim himoyachisi Alexandro Garnacho yozda "Old Trafford"ni tark etish imkoniyatiga ega bo‘ladi. "Manchester Yunayted" yosh futbolchini sotib olish sharti bo‘yicha o‘z talablarini sezilarli darajada kamaytirdi, deb xabar beradi TUTTOmercatoWEB portali.
"Manchester Yunayted" rahbariyati jamoani kuchaytirish uchun Ruben Amorimga katta byudjet ajratmoqchi. Buning uchun "MYU" futbolchilarini chegirmalarga sotishi kerak bo‘ladi. Garnacho "qizil iblislar" tomonidan transferga qo‘yilgan futbolchilar bo‘ladi.
Agar qishki transfer oynasida "Manchester Yunayted" 20 yoshli argentinalik uchun 60 million yevro olishni maqsad qilgan bo‘lsa, endi uni 45 million yevroga sotishadi. Qishda vingerga asosiy davogar Italiyaning "Napoli" klubi bo‘lgandi. "San-Paolo"da u Kvarasxeliyaning o‘rniga kelishi kerak edi, biroq, bu transfer amalga oshmay qolgandi.
Joriy mavsumda Garnacho barcha turnirlarda 49 ta o‘yin o‘tkazib, 10 ta gol urdi va 8 ta golli uzatmani amalga oshirdi. "Manchester Yunayted" bilan shartnomasi 2028 yilgacha mo‘ljallangan. U "Atletiko Madrid" akademiyasidan "MYU"ga 420 ming funt sterling evaziga o‘tgan.
