Tuttosport xabariga ko‘ra, Turin klubi yozda bir nechta futbolchilarni asosiy tarkibga qo‘shib olmoqchi.

O‘tgan yozda Motta qo‘l ostida "Yuventus" Kopmeyners, Duglas Luis, Niko Gonsaleslar uchun 200 million yevrodan ortiq mablag‘ sarfladi. Shu boisdan ham klub o‘zini ancha kuchli tayanchga ega deb hisoblaydi va keng ko‘lamli xarid qilishni rejalashtirmayapti.

Darvozabonlar chizig‘ida o‘zgarishlar kutilmaydi. Himoyada ham hammasi barqaror, chunki jarohat olgan Bremerning qaytishi yangi kuch sifatida qabul qilinadi. Klub, shuningdek, Renatu Veyga bilan shartnomani uzaytirish masalasini ko‘rib chiqishi mumkin.

Maydon markazida esa asosiy nishon “Nyukasl” futbolchisi Sandro Tonali bo‘lib qolmoqda. Ammo transfer qimmatga tushadi, shuning uchun agar "Yuventus" Duglas Luisni shartnomaga kiritsa yoki braziliyalikni yaxshi summaga sotsa, bu haqiqatga aylanadi. Hujumda Turin klubi yozda "Napoli"ni tark etishi mumkin bo‘lgan Viktor Osimxenni qo‘lga kiritishni orzu qilmoqda. “Atalanta” futbolchisi Ademola Lukman ham ko‘rib chiqilmoqda.

“Yuventus” ayni damda 59 ochko bilan Italiya chempionati turnir jadvalida 4-o‘rinni egallab turibdi.