Tuttosport хабарига кўра, Турин клуби ёзда бир нечта футболчиларни асосий таркибга қўшиб олмоқчи.

Ўтган ёзда Мотта қўл остида "Ювентус" Копмейнерс, Дуглас Луис, Нико Гонсалеслар учун 200 миллион евродан ортиқ маблағ сарфлади. Шу боисдан ҳам клуб ўзини анча кучли таянчга эга деб ҳисоблайди ва кенг кўламли харид қилишни режалаштирмаяпти.

Дарвозабонлар чизиғида ўзгаришлар кутилмайди. Ҳимояда ҳам ҳаммаси барқарор, чунки жароҳат олган Бремернинг қайтиши янги куч сифатида қабул қилинади. Клуб, шунингдек, Ренату Вейга билан шартномани узайтириш масаласини кўриб чиқиши мумкин.

Майдон марказида эса асосий нишон “Ньюкасл” футболчиси Сандро Тонали бўлиб қолмоқда. Аммо трансфер қимматга тушади, шунинг учун агар "Ювентус" Дуглас Луисни шартномага киритса ёки бразилияликни яхши суммага сотса, бу ҳақиқатга айланади. Ҳужумда Турин клуби ёзда "Наполи"ни тарк этиши мумкин бўлган Виктор Осимхенни қўлга киритишни орзу қилмоқда. “Аталанта” футболчиси Адемола Лукман ҳам кўриб чиқилмоқда.

“Ювентус” айни дамда 59 очко билан Италия чемпионати турнир жадвалида 4-ўринни эгаллаб турибди.