"Manchester Siti" yarim himoyachisi Kevin de Bryuyne Yevropaning boshqa klubiga o‘tishi mumkin.
Belgiyalik futbolchi "shaharliklar" bilan joriy mavsum yakunlangach, shartnomasi yakuniga yetgach xayrlashadi. APL yulduziga asosiy da’vogarlar Saudiya Arabistoni chempionati vakillari hisoblanadi, ammo xavbek Yevropada qolishi ham mumkin. Jurnalist Pol Xyorstning ma’lum qilishicha, 33 yoshli futbolchi Yevropa klublarining barcha takliflarini o‘rganib chiqib, yakuniy qarorga keladi.
Kevin de Bryuyne 2015 yildan buyon "Manchester Siti" sharafini himoya qilib kelmoqda. U bungacha "Volfsburg," "Chelsi," "Verder" va "Genk" klublarida to‘p tepgan.













